--Ads--
Pinasingkedan ti National Council on Disability Affairs (NCDA) a nakaipaulog daytoy iti 2.8 agingga 2.9 a milion a lehitimo a PWD ID, bayat a mapattapatta a 8.5 agingga 9 a milion ti adda iti sirkulasion.
Segun ken ni NCDA spokesperson Walton Jason Alava, adda 6.5 a milion a peke a PWD ID a naibasar iti datos a naipadamag iti Senate hearing idi 2024.
Inlawlawag ni Alava a saan nga amin a persona nga addaan iti diperensia ket nairaman iti listaan gapu ta adda dagiti tattao nga addaan iti saan a makita a diperensia a saan a makagun-od iti ID-da.
Imbingay met ni Senador Sherwin Gatchalian iti maysa a panagdengngeg idi 2024 nga immabot iti P88.2-B ti buwis a napukaw ti gobierno gapu ti panagusar kadagiti peke a PWD ID.
-- ADVERTISEMENT --
