Uppat ti nadunor iti panagdinnungpar dagiti dua a motorsiklo idiay Barangay Ayusan Norte, Vigan City, Ilocos Sur.
Ti White/Pink a Yamaha Mio 125 ket minaneho ti lalaki nga agtawen iti duapulo ket uppat, agnaed iti Barangay Pantay Fatima, kinalubbonna ti lalaki nga agtawen iti uppat a pulo ket tallo, agnaed iti Barangay Ayusan.
Ti met Orange/Black Yamaha Mio 125 ket minaneho ti lalaki nga agtawen iti duapulo ket uppat, kinalubbonna ti lalaki nga agtawen iti limapulo ket maysa, agpada nga agnaed iti Barangay Pantay Fatima.
Maibasar iti inisial nga imbestigasion, agpapa-abagatan dagiti dua a motorsiklo ket idi nadanonda ti nakapasamakan ti aksidente, saan a nakontrol dagiti dua a drayber ti manibela ket nagsinnagid dagiti luganda.
Nadunor amin dagiti karaman iti aksidente ken naipaagasda iti ospital para iti naan-anay a pannakatamingda.
