Kinarit ti prosekusion iti depensa a mangidatag kadagiti ebidensia mainaig iti saan a mailawlawag a kinabaknang ni Bise Presidente Sara Duterte.
Pakairamanan kadagiti ebidensia ket ti Statement of Assets, Liabilities and Net Worth (SALN), ken sabali pay a dokumento a naggapo iti ahensia ti gobierno.
Innaig ti prosekusion dagiti alegasion kadagiti kompania a Gencorp ken Cale88, idinto nga impaganetget ni Prosecution spokesperson Ace Barbers a mabalin nga adda panaglabsing iti konstitusion no saan nga isuko ni Duterte ti interesna iti negosio ken adda ti conflict of interest iti transaksion ti Gencorp iti gobierno ti Davao City.
Impakaammo ti depensa a baliwanda ti panangidatagda kadagiti ebidensia kalpasan nga inikkaten ti prosekusion ti tallo nga artikulo ti impeachment, bayat a naikeddeng nga ituloy ti Senado ti panagdengngeg inton Nobiembre 9.
