--Ads--
Nakemmeg iti naiwayat a buy bust operation ti maysa a tricycle drayber idiay Barangay Tampugo, Tagudin, Ilocos Sur.
Ti suspek ket agtawen iti tallopulo ket lima, residente iti nasao nga Ili.
Nakumpiskar dagiti otoridad manipud iti suspek ti 2.4 grams ti mapapati a shabu nga aggatad iti mapatta-patta a 16, 000 pesos a naikabil iti dua nga small heat-sealed transparent plastic sachet.
Kasta met a naala pay manipod iti suspek dagiti non-drug evidences a pakairamanan ti, P1000 peso bill, cellphone ken walo pay a non-drug items.
-- ADVERTISEMENT --
Addan ti suspek iti kustodiya ti Tagudin Municipal Police Station tapno sangoen ti kaso a panaglabsing ti RA 9165 wenno Comprehensive Drugs Act of 2002.
