--Ads--
Nangilatang ti United States Department of Agriculture iti $34.1 million wenno mapatta-patta a P2 billion para iti proyekto a mangpadur-as iti industria ti ube iti Pilipinas ken manamnama a makatulong kadagiti 12,500 a a mannalon iti uneg ti lima a tawen.
Segun iti US Embassy iti Pilipinas, ipatungpal ti organisasion a TechnoServe ti programa iti salinong ti Food for Progress Program tapno mapapigsa ti produksion ken value chain ti ube.
Mapondoan ti proyekto babaen iti panagilako iti nakurang 40,000 a metriko tonelada ti soybean meal manipud iti Amerika.
Manamnama a mangted daytoy iti ad-adu nga oportunidad iti merkado para kadagiti lokal a mannalon ken ad-adda pay a mangpatibker iti economic relationship ti Pilipinas ken Amerika.
-- ADVERTISEMENT --
