Naituding a depensaran ni Filipino boxer Pedro Taduran ti International Boxing Federation (IBF) minimumweight world title-na kontra iti awan pay abakna nga Spanish contender a ni Brandon Moreno inton Nobyembre 7 iti Kiva Auditorium idiay Albuquerque, New Mexico.
Ni Moreno, agtawen iti tallopulo ket tallo, nga adda nadalus a record-na a 16 a pangabak ken lima a knockout ti No. 4 contender ti IBF ken umuna a daras a lumaban iti ruar Spain.
Ni Taduran nga agtawen iti duapulo ket siam, ket adda record-na a 20 a pangabak, uppat nga abak ken maysa a tabla, agraman ti 14 knockout, ken agdama nga adda iti maikadua a gundaway kas IBF minimumweight champion.
Segun iti manager-na a ni Cucuy Elorde, agsagsaganan ti Pinoy boxer idiay Las Vegas para iti laban, idinto a Kinumpirmaran met ti IBF ti pannakaaprubar ti nasao a title fight.
