Viral ita ti agtawen-iti-innem a pulo ket pito a ni Myriam manipud iti Quindio, Colombia kalpasan nga imbutaktakna ti panangiwaras ken panaglakona iti tsismis mainaig kadagiti karrubana ti kangrunaan a pagsapulanna.
Naawagan isuna a “Queen of Gossip” ket agkolkolekta isuna kadagiti Estoria mainaig iti riri ti pamilia, parikut iti kuarta ken panangliput, nga ilislistana kadagiti notebook ken iberberipikana iti sabali a tao sakbay nga ilakona kadagiti kliyente.
Umabot iti 5,000 agingga 10,000 Colombian pesos (nasurok-kumurang P100 agingga P200) ti presio dagiti simple a tsismis, idinto a P700,000 Colombian wenno P14,000 manipud iti panagilakona iti ebidensia mainaig iti lalaki a mangiyaw-awid iti sabali a babai iti pagtaenganda tunggal awan ti asawana.
Segun ken ni Miriam, naanay ti pastrekna para iti naidumduma a negosiona tapno makagatang iti dua a pagtaengan, uray no adu dagiti karrubana a mangbab-babalaw, a kunana ket isuda met laeng ti umas-asideg kenkuana tapno maammuan ti kabaroan a damag iti lugarda.
