Inikkan ni Philippine National Police (PNP) chief PGeneral Jose Melencio Nartatez Jr. iti maysa a lawas nga ultimatum ni Senador Ronald ‘Bato’ Dela Rosa tapno sumuko.
Maipalagip nga ita a bulan ket maysa a tawenen manipud ti pannakairruar ti arrest warrant ti senador manipud iti International Criminal Court (ICC) gapu iti kaso ti a crime against humanity iti war on drugs idi panawen ni dati a Presidente Rodrigo Duterte no sadino ket nagserbi daytoy kas dati a PNP chief.
Inlawlawag ni Nartatez nga uray imbagana nga awan ti naituding a gunggona, agtultuloy ti panangkamat da iti naglibas a senador.
Kabayatanna, immunan nga inwaragawag ni Interior Secretary Jonvic Remulla nga adda nailatang a P50-M a gunggona para iti dagus a pannakatiliw ni Senador dela Rosa.
Kabayatanna, mangbukel ti PNP ti task force tapno sapulen ken kemmegen ni Senador Bato mainaig ti arrest warrant nga inruar ti International Criminal Court ICC kontra kenkuana.
Segun ken ni PNP Chief Jose Melencio Nartatez Jr., pokusan ti task force iti panangsapul ken ni Dela Rosa agingga maipatulod isuna idiay ICC.
