Inaprobaran ti Senate Committee on Finance ti P7.7-B budget proposal ti Senado para iti Fiscal Year 2027, pakairamanan ti pondo para iti Senate Electoral Tribunal (SET) ken Commission on Appointments (CA).
Segun ken ni Senate Secretary Renato Bantug Jr., panggep ti naisingasing a badyet a mataginayon ti episiente a legal a serbisio, mapapigsa ti institutional systems, maitandudo ti digital transformation, ken masigurado ti responsable a pannakausar ti pondo ti publiko.
Inlawlawag ni Bantug a ti naisingasing a badyet ket P187.5-M wenno 2.5 a porsiento a nangatngato ngem iti net budget ti Senado idi 2026, ngem P863-M wenno 10.1 a porsiento a nababbaba ngem iti 2026 General Appropriations Act (GAA).
Innayon pay ni Bantug a nabaelan ti Senado ti nangangay iti 68 session days idi 2025 ken 33 session days manipud Enero agingga Hunio 2026, idinto a nabalinanna nga inrekord dagiti bills ken resolutions ken naipadamag nga awan ti audit suspensions, disallowances wenno charges para iti fiscal year.
