Nangipila iti dua a criminal case Ti Bureau of Internal Revenue (BIR) ket iti Department of Justice maibusor iti dua a negosio gapu iti maipagarup a saan a panagbayad iti buwis nga agdagup iti 45.07 milion pesos para iti buwis tatta a tawen 2017 ken 2018.
Karaman kadagiti naireklamo ti Interserve Management & Manpower Resources, Inc. nga addaan iti di pay nabayadan a buwis a ₱33.13 milion idi 2017, ken ti V.A.T. Coconut Dealer nga addaan utang a buis a ₱11.9 milion idi 2018.
Segun iti BIR, naipila dagiti kaso iti Run After Tax Evaders wenno RATE program gapu iti mapapati nga naigagara a saan a panagbayad iti buis iti laksid dagiti audit ken demand letters.
Manipud Enero aginggana idi Septiembre 2026, ti BIR ket nakaipila iti 361 a kaso ti RATE iti DOJ nga addaan iti dagup a saan nga nabayadan a buis iti ₱35.16 bilion.
Impaganetget ni BIR Commissioner Charlito Martin R. Mendoza nga agtultuloy ti panangparegta da iti boluntario a panagbayad iti buis, ngem agaramidda iti legal nga aksyon kadagiti naglabsing iti linteg.
~Bombo Kleo
