Nakasagana ti nP7.86 bilyon a National Disaster Risk Reduction and Management (NDRRM) Fund para iti response ken relief operations mainaig ti epekto ti El Niño, segun iti Office of Civil Defense (OCD).
Pinasingkedan ni OCD spokesperson ken Disaster Preparedness Service Director Vic Tomas nga adda iti P76.4 milyon a ti immuna a tulong a naipaay ti Department of Social Welfare and Development (DSWD), OCD ken dadduma pay nga ahensia kadagiti apektado a lugar, pakairamanan ti Cagayan Valley, Bicol, Calabarzon ken Caraga.
Kalaksidan dayta, adda pay ti P6.68 bilyon iti salinong ti Disaster Rehabilitation and Reconstruction Assistance program a mabalin a mausar, particular kadagiti lugar a nagdeklarar ti state of calamity.
Kabayatanna, pinasingkedan ti Department of Agriculture nga umaboten iti P6.87 bilyon ti perdision ken pannakalugi iti agrikultura idi Setyembre 26 a nakaapekto iti 223, 214 a mannalon ken nasurok-kumurang 249, 028 nga ektarya ti agricultural land.
