--Ads--
Impasigurado ti Department of Trade and Industry nga awan pay ti naituding a panagpangina ti presio kadagiti kangrunaan a magatang, agraman ti bottled water, iti baet ti manamnama nga epekto ti Super El Niño iti pagilian.
Segun ken ni DTI Secretary Maria Christina Roque, awan pay ti naawatda a kiddaw manipud kadagiti manufacturer para iti price increase ken agtaltalinaed nga umdas ti suplay iti merkado.
Agtultuloy ti panagbantay ti ahensia ken pannakibinnuligda kadagiti manufacturer tapno mapagtalinaed ti stable a presio ken suplay dagiti produkto.
Inallukoy met ti DTI ti publiko a liklikan ti panic buying, bayat nga awan pay ti naimaldit a panagbaliw iti presio dagiti pangpaskua a magatang iti agdama.
-- ADVERTISEMENT --
