Kinissayan ti National Water Resources Board (NWRB) ti alokasyon iti danum manipud Angat dam para iti Metro manila ken irigasion kas panagsagana iti mapaspasungadan a super El Niño a posible nga agpaot agingga katengngaan ti sumaruno a tawen.
Segun iti MWRB, naibaba iti 44 agingga 46 cubic meters per second ti alokasyon para iti Metro Manila manipod 50 agingga na 52, ken 20 agingga 25 cubic meters per second met ti naipataw iti irigasion manipud iti dati a 35.
Impasigurado ti ahensia nga umdas ti suplay ti danum para iti kabalbalayan agingga katapusan ti tawen wenno iti umana a bulan iti sumaruno a tawen, kagiddan ti pannakaadal dagiti alternatibo a pagalaan ti danum ken wagas tapno makainut ti danum.
Inallukoyda met ti publiko nga aginut iti danum ken annadanda ti panagusar iti danum manipud kadagiti ubbog gapu iti posible a parikut iti kalidadna.
/~Bombo Kleo
