--Ads--
Ipalubosen ti Department of Education kadagiti estudyante kadagiti pampubliko a pagadalan nga agsuot iti civilian attire, agraman ti sando, kas panagsagana iti manamnama nga epekto ti super El Niño iti pagilian.
Segun ken ni Education Secretary Sonny Angara, gagem ti addang a makatulong kadagiti pamilia a marigatan nga agilaba iti uniporme ken maksayan ti rigat gapu ti nakaro a pudot.
Nupay kasta, impaganetget ti DepEd a kasapulan a disente ken mayannatup latta iti panagserrek iti pagadalan ti kawes dagiti agad-adal.
Impasigurado ti ahensia nga ipangrunada ti kinatalged dagiti estudyante, ken ti agtultuloy a panagadalda iti baet ti manamnama nga epekto ti El Niño.
-- ADVERTISEMENT --
