Imbasura ti Supreme Court en banc ti indirect contempt petition a naipila kontra ken ni Sen. Vicente “Tito” Sotto III.
Daytoy ket adda pakainaiganna iti kritisismo a iti desision ti Korte iti impeachment case kontra ken ni Vice President Sara Duterte.
Iti decision nga insurat ni Senior Associate Justice Marvic Leonen, impaganetget ti Korte Suprema a dagiti statement ni Sotto ket paset laeng ti pampubliko a diskurso iti patangan ti national ken maprotektaran kas political speech.
Inakusaran dagiti petitioner it panangidaulo ni n Atty. Manuelito Luna ti senador ti panangdadael iti talek ti publiko iti hudikatura kalpasan a kwestyonaran na ti nagbalin a decision.
Inlawlawag met ti korte a dagiti pammabalaw kadagiti decision ti Korte ket saan nga otomatiko a madusa uray daytoy ket maibilang a nasakit, makasakit wenno maipagarup a madi.
Kabayatanna, nagyaman ni Sotto iti Korte Suprema iti panangibasura ti petision para iti indirect contempt a naipila kontra kenkuana.
