Awan ti epektona iti Malakanyang ti panangibaga ni Vice President Sara Duterte a saan nga agikkat uray no sumangsango iti impeachment trial.
Segun ken ni Palace Press Officer Atty. Claire Castro, no ania man ti decision ti bise presidente ket saan a bibiangan ti asino man.
Maikontra daytoy iti panawagan ni VP Sara nga agikkat ni Presidente Ferdinand Marcos Jr. nga inawagan ni Castro a dakkel a kalokoan.
Kagiddan dayta, binanatan ti Malakanyang ti bise presidente gapu iti panangibagana nga agikkat ni Marcos, ket segun ken ni Castro, awan ti karbenganna nga agkiddaw iti nasao a banag ta agtrab-trabaho ti Presidente ken pampanunotenna ti kasasaad dagiti umili.
Innayon pay ti Palace Press Officer nga awan ti secret deal ti Presidente kadagiti gangannaet.
