Makapagnan ken makakaanen ni Pope Leo XIV kalpasan a dimmalan iti operasion tapno maikkat ti cancerous tumor iti kannawan a barana, segun iti Vatican.
Maibasar iti medical bulletin a nairuar idi October 14, normal ti resulta ti blood test ken chest X-ray-na, ken nangrugin a dumalan iti respiratory physiotherapy.
Naikkat iti operasion ti akin-baba a paset ti kannawan a barana kalpasan a makumpirmaran nga agsagsagaba iti lung adenocarcinoma, maysa a klase ti kanser ti bara, ngem mayur-uray pay ti nayon a test tapno maammuan no nagwaras daytoy iti sabali a paset ti baginan.
Manamnama nga agtalinaed ti Santo Papa iti ospital iti nasurok-kumurang maysa lawas, idinto a kanselado pay laeng dagiti pampubliko nga aktibidadna agingga Oktubre 20 tapno makainana ken malaingan.
