--Ads--
Makitintinnulong ti Department of Agriculture (DA) kadagiti lokal a gobierno tapno papigsaen ti produksion ti ube iti pagilian ken mapalawa ti oportunidadna iti world market.
Segun ken ni Agriculture Secretary Francisco Tiu Laurel Jr., mangted ti DA iti technical support ken de-kalidad a mula idinto a tumulong dagiti LGU iti panangurnos kadagiti mannalon ken panangammo iti husto a daga a pagmulaanda.
Idiay Echague, Isabela, nangilatang ti DA iti ₱3.7 milion para iti 420,000 ube setts wenno materyales a pagmula, ket 211,180 ti naiwaras.
Gagem ti programa a mapalawa ti pagmulaan, masungbatan ti dumakdakkel a demand iti ube iti lubong, ken maingato ti pastrek dagiti lokal a mannalon.
-- ADVERTISEMENT --
