Intudo ni Senator-judge Raffy Tulfo dagiti tao a nakapalikmot ken ni Vice President Sara Duterte ti maipagarup a panagkurang a nangikabil iti bise presidente iti alanganin iti baet ti impeachment trial kontra kenkuana.
Pinasingkedan ni Tulfo a makapadudua no apay a saan nga imapalagip dagiti abogado ni Duterte ti probision ti Article VII, Section 13 ti Konstitusyon nga adda pakainaiganna iti panangiparit iti sumagmamano nga opisial ti executive nga agig-iggem ti sabali a posisyon wenno trabaho ken makipaset iti sumagmamano nga negosio.
Segun ken ni Tulfo, maysa nga abogado ni VP Sara, kasta pay ti asawa na a ni Atty. Manases Mans Carpio, ken ti asawa na a chief of staff, kalaksidan pay dagiti abogado iti Office of the Vice President (OVP).
Gapu daytoy, kwinestion ti senator no apay nga awan laeng ti maipagarup a nakadlaw wenno nagpalagip iti nadakamat a probision.
