Pagan-annaden ti Philippine Consulate General idiay Los Angeles ti komunidad dagiti Pilipino idiay Southern California gapu iti peggad ken napaut nga heat wave a mangpangato ti temperatura iti rehiyon.
Segun iti National Weather Service, nagiruaren ti Extreme Heat Warning para iti dakkel a paset ti Los Angeles ken Orange County no sadino mabalin nga umabot iti 102 agingga 107 degrees Fahrenheit ti kinapudot iti sumagmamano a lugar.
Gapu daytoy, pinalagipan ti consulate dagiti Pilipino nga agtalinaed nga hydrated, limitaran dagiti outdoor activity, ken agtalinaed kadagiti cool wenno air-conditioned a lugar tapno maliklikan dagiti sakit nga itunda ti napudot a paniempo.
Mabalin met a mapan kadagiti pampubliko a pasilidad kas dagiti library ken senior center dagiti residente nga awan ti aircon iti pagtaengan na wenno tumawag iti 311 para iti kaatsitgan a cooling facility.
