Agiinnuna dagiti agindeg ti France a makagatang kadagiti air conditioner ken electric fan gapu iti nakaro a heatwave a mapaspasaran idiay Europa.
Maysa a supermarket ti dinarup ti tattao ken nagtitinnaray pay a makastrek dagiti customer tapno laeng makagatang iti cooling appliance.
Nababa ti panagaramat iti air conditioner idiay Europa no ikumpara iti dadduma a rehion, gapu iti epektona iti aglawlaw ken disenio dagiti pasdek.
Ngem gapu iti agtultuloy a kinabara nga umabot pay iti record-breaking a 40 degrees Celsius, nangato ti demand ti air conditioner kadagiti pagilian kas ti France, Spain, ken Italy.
Kagiddan daytoy ti panangiruar dagiti otoridad iti health warning, panangipasarra kadagiti pagadalan ken tourist site kasta payen dagiti biahe iti tren iti rehion.
