--Ads--
Pagan-annaden ti Philippine Embassy idiay Thailand dagiti Pilipino kasaruno ti pakdaar iti napigsa a panagtudo, flash flood ken landslide idiay Bangkok ken 70 a probinsia.
Segun iti Embahada, nangirruar ti weather warnings ti Thai Meteorological Department (TMD) ken Office of the National Water Resources (ONWR) gapu ti manamnama a napigsa a panagtudo.
Nabalakadan ti Filipino community nga agtalinaed nga alerto ken agtultuloy a bantayan dagiti pakdaar dagiti lokal nga otoridad iti Thailand.
Immunan a nagdeklarar ti disaster ti Bangkok kalpasan ti dandani uppat a pulo ket walo nga oras a napigsa a panagtudo a nangitunda ti nakaro a panaglayus iti sumagmamano a komunidad, kalsada, pagtaengan ken establisimiento.
-- ADVERTISEMENT --
