--Ads--
Binalakadan ti Philippine Embassy idiay Saudi Arabia dagiti Pilipino a planoda ti agbiahe iti rehion nga agannad ken agtalinaed nga updated kadagiti pakaammo mainaig iti riribuk idiay Middle East.
Naallukoy dagiti biahero a makikammayet iti travel agency-da ken Umrah service provider, regular a kitaenda ti flight schedule, ken no mabalbalin ket pumili ti direkta a biahe a mapan idiay Jeddah wenno Medina.
Nabalakadan pay ida nga agsagana iti extra a kuarta para kadagiti saan a manamnama a gastos ken liklikanda ti mamati kadagiti impormasion nga unverified iti social media.
Impaganetget ti embahada ti kinapateg ti panagbalin a kalmado, panagridam, ken panangipangruna iti kinatalged iti baet ti sitwasion iti rehion.
-- ADVERTISEMENT --
