Nagpanawagan ni Senador Risa Hontiveros kadagiti kakadua na iti Senado nga ituloy ti deliberasion iti Anti-Political Dynasty Bill kalpasan a nagpanawagan manen ti Supreme Court iti Kongreso nga ipasa ti mang-define ken mangiparit iti political dynasties, kas ti nakatuding iti 1987 Constitution.
Pinasingkedan ni Hontiveros a dandani tallopulo ket siam a tawen a saan nalpas ti Kongreso ti daytoy a constitutional mandate, isu a masapul nga aramaten daytoy a gundaway tapno ituloy ti narugyan ti Senado.
Inlawlawag ti senador a nagisayangkaten dagiti panagdengngeg ken konsultasion iti agduduma a probinsia ti committee on Electoral Reforms, adda payen ti committee report na dagituy ken naisingasing iti plenaryo ti Senado ngem naitantan idi maaddaan ti panagbaliw ti liderato.
Innayon ni Hontiveros nga awan ti intension na a serreken ti prerogative ti baro a chairperson, ngem kiniddaw na a saan kuma nga isardeng ti proseso gapu laeng ta nagbaliw ti liderato ti komite.
