--Ads--
Natay ti walo nga empleyado ti Local Government Unit ti Bayawan City, Negros Oriental ken maysa nga On-the-Job Training (OJT) nga engineering student kalpasan a natinnag-da iti derraas ti maysa a dump truck idiay Barangay Kalamtukan ti nadakamat nga ili.
Basar ti report, ti truck ket nagitulod ti lima a container ti crude oil para kadagiti tractor truck idiay Brgy. Manduao, Bayawan City ket agsublin idi napasamak ti insidente.
Saan pay a nadakamat no ania ti eksakto a rason ti insidente ngem basar iti pakpakauna nga impormasion ket nag-overshoot ti truck bayat nga adda iti agpababa a paset ti kalsada.
Dagus a naipan dagiti biktima iti balay pagagasan ngem naideklarar a dead on arrival.
-- ADVERTISEMENT --
