Kinemmeg dagiti otoridad dagiti siam nga enforcer ti Land Transportation Office (LTO)-Caraga Region iti naisayangkat nga entrapment operation idiay Barangay Alubijid, Buenavista, Agusan del Norte.
Segun kadagiti otoridad, nakemmeg dagiti enforcer gapu ti mapapati a panagkikilda kadagiti motorista ken biahero iti baet ti operasyonda iti kalsada.
Naisayangkat ti operasyon kalpasan a nakaawat ti reklamo manipod kadagiti apektado a motorista maipanggep iti mapapati a modus dagiti kameng ti LTO.
Maibasar ti LTO Central Office, nabayagen nga adda reklamo a maawa-awatda kontra iti sumagmamano a personnel maipanggep ti panagkiddaw ti kuarta kadagiti motorista no adda inspeksyon ken panangkemmeg kadagiti aglablabsing ti linteg trapiko.
Agtultuloy iti imbestigasyon dagiti otoridad tapno maammoan ti kalawa ti operasuon ken dadduma a posible a karaman iti nasao nga aramid.
