--Ads--
Nainget a bambantayan ti Department of Foreign Affairs ti kasasaad dagiti mapatta-patta a 800 a Pilipino idiay Iran kalpasan dagiti nagsagsaruno a protesta, ngem awan ti nadangran wenno natay kadagiti Pilipino.
Napalagipan ti komunidad a liklikanda dagiti natao a lugar ken agtalinaedda nga updated babaen kadagiti opisial nga impormasion.
Agtultuloy nga imonmonitor ti Philippine Embassy idiay Tehran ti sitwasyon ken ti pannakibinnuligda kadagiti lokal nga otoridad tapno masigurado ti proteksion ken kasasaad dagiti Pilipino iti sabali a pagilian.
Maipalagip nga innem ti natay iti protesta gapu iti ingingina ti taraon, inflation, ken panagbaba ti gatad ti Iranian rial.
-- ADVERTISEMENT --
