Impasigurado ti gobierno a bantayan da kontra kadagiti panagabuso dagiti agtaltalinaed nga opisial ti barangay.
Daytoy ket kalpasan a maitantan ti political race para iti nasurok 670, 000 a lokal a posision iti intero a pagilian kasaruno iti panangperma iti baro a linteg a mangiyatiddog iti termino dagiti barangay ken Sangguniang Kabataan officials.
Iti 42, 001 a barangay iti buo a Pilipinas, ti naitantan nga eleksion inton Nobiembre 2026 ket nakatuding kuma a makipaset ti 16 a lider kada lugar a pakairamanan ti maysa a barangay captain, pito a barangay kagawad, maysa nga SK chairperson, ken pito nga SK members.
Imbes nga a maaddaan ti eleksion, agtalinaed iti pwesto dagiti agdama nga opisial idi dua pay a tawen bayat a maisagsaganan ti sumaruno nga eleksion inton Nobiembre 2028 iti salinong til baro a lima a tawen a term framework.
