Nasurok nga 60 a kameng ti Kamara ti mangsupsuporta kadagiti gakat a mangitantan iti Barangay ken Sangguniang Kabataan (BSK) Elections a naituding inton Nobiembre 2 gapu iti nangato a presio ti lana ken ti energy emergency.
Segun iti Kamara, mabalin a saan nga umdas ti nailatang a pondo para iti pannakaisagana ken pannakaisayangkat ti eleksion, agraman ti panaggatang, panagiwaras kadagiti materiales ti eleksion, ken suporta kadagiti Electoral Boards.
Isingsingasing dagiti dadduma nga agpampanday-linteg ti pannakayakar ti eleksion iti Mayo 2027 wenno Nobiembre 2028, a mangpaatiddog iti termino dagiti agdama nga opisial.
Nupay kasta, nainget a kinontra ti NAMFREL, ta patienda a nasken ti regular nga eleksion tapno mataginayon ti panagsungbat dagiti opisial ken masalakniban ti karbengan dagiti botante. Kleofe Jyna Dayag
