Impakaammo ti police chief ti Iran a ni Ahmadreza Radan a 500 nga indibidwal ti nakemmeg gapu iti maipagarup a panangited da ti impormasion iti Israel bayat nga agtultuloy ti laban ti rehiyon.
Segun ken ni Rada, kagudua kadagiti kaso ket adda pakainaiganna iti seryoso nga insidente kas dagiti tao a nangited ti lokasion para iti posible a target, mangala ti footage kadagiti lugar ti air strike ken ti panangipatulod iti sabali.
Duapulo met a tattao ti nakemmeg gapu ti maipagarup a panangipatulod da ti impormasion iti Israel mainaig iti military ken security asset ti Iran.
Kabayatanna, sangapulo nga indibidwal ti nakemmeg gapu iti maipagarup a panagala ti impormasion iti sensitibo a lokasion ken imprastruktura ti military assets ti pagilian ken tallo pay ti nakemmeg idiay Lorestan province gapu ti panangitandudo ti riri ken panang-uram ti mourning symbols.
