Saan pay a kumbinsido ken ni Senate President Sherwin Gatchalian nga ikeddeng ti lima a tawen a fixed term ti opisial ti barangay ken Sangunniang Kabataan gapu ta awan pay pammaneknek a makapasayaat daytoy iti komunidad.
Pinasingkedan ni Gatchalian a masapul nga ikkan ti natibker nga ebidensia tapno makita ti epekto ti panangiyatiddog iti lima a tawen ti panagserbi iti barangay.
Nagpanawagan ti senador kadagiti maseknan nga ahensia ti gobierno nga agidatag ti natibker a panagadalan nga adda datos a mangpaneknek iti nadakamat a tignay.
Partikular a kiniddaw ni Gatchalian manipud kadagiti mangibagi ti Department of the Interior and Local Government (DILG) ken ti National Youth Commission (NYC) a mangidatag ti konkreto a panagadal a mangipakita ti aktuwal a benepisyo ti lima a tawen a termino iti napapateg a sektor, pakairamanan ti public health, peace and order, kjen dagiti inisyatibo kontra iti ilegal a droga.
