Imbutaktak ni dati nga Ilocos Sur Governor Chavit Singson a maipagarup a “ghosts projects” ti 5, 500 flood control projects nga immuna nga impadamag a nalpas ti administrasion.
Segun ken ni Singson, kalpasan ti maipagarup a pananglikos na iti nadumaduma a paset ti pagilian ken nakibinnulig kadagiti lokal nga opisial, rimmuar nga awan ti maipagarup nga aktwal a naipatungpal a proyekto.
Maipalagip a dinakamat ni Presidente Ferdinand Marcos Jr. iti 2024 State of the Nation Address na ti rinibo a flood control projects kas paset ti panagsagana kadagiti napipigsa a panagtudo gapu iti La Niña.
Pinasingkedan ti dati a gobernador a nakasagana isuna a mangipila ti affidavit ken ebidensia iti Senate Blue Ribbon Committee inquiry, ngem saan a natuloy ti nakatuding a panagdengngeg.
Impaganetget ni Singson a nakibinnulig isuna ken ni Senador Panfilo Ping Lacson ngem napaay a mangipresentar ti affidavit na iti Senado, banag tapno kwestyonaran na ti kinaawan ti gundaway tapno maibaga ti maipagarup a kinapudno.
