VIGAN CITY – Tallopulo ket maysa a lugar iti posible a makarikna ti dangerous heat index ita nga aldaw kas pinasingkedan ti Philippine Atmospheric, Geophysical and Astronomical Services Administration.
Posible a 46 °C ti heat index idiay Laoag City, Ilocos Norte ken Aparri, Cagayan; 45°C idiay Roxas City, Capiz ken Guiuan, Eastern Samar.
Posible a marikna iti 44°C idiay MMSU, Batac, Ilocos Norte; Puerto Princesa City, Palawan; Cuyo, Palawan; Dumangas, Iloilo; ken Borongan, Eastern Samar.
Agpapada met a posible a marikna ti 43°C idiay NAIA Pasay City, Metro Manila; Sinait, Ilocos Sur; Dagupan City, Pangasinan; Tuguegarao City, Cagayan; ISU Echague, Isabela; Sangley Point, Cavite; San Jose, Occidental Mindoro; CBSUA-Pili, Camarines Sur; Iloilo City, Iloilo; Catarman, Northern Samar; ken Tacloban City, Leyte
Kabayatanna, 42°C iti posible a marikna idiay Science Garden Quezon City, Metro Manila; Bacnotan, La Union; Ambulong, Tanauan Batangas; Aborlan, Palawan; Daet, Camarines Norte; Legazpi City, Albay; Virac (Synop), Catanduanes; Masbate City, Masbate; Mambusao, Capiz; Zamboanga City, Zamboanga Del Sur; ken Davao City, Davao Del Sur.
