VIGAN CITY – Saan laeng a dagiti overseas filipino workers iti masingsingir iti tallo a porsiento iti tinawen a sueldoda no di ket karaman pay dagiti direct contributor kas nailanad iti salinong ti Universal Health Care Law.
Segun kenni Dra. Helen Tobias, mangidaulo iti Local Health Insurance Office a karaman kadagiti direct contributor dagiti empleyado iti pribado a sektor wenno dagiti migrant worker ken professional.
Inlawlawag ni Tobias a kas koma kadagiti agsweldo iti sangapulo a ribo a pisos iti makabulan ket duagasut pitopulo ket lima a pisos ti masingir para iti Philhealth insurance-da idinto a dagiti OFW ket duaribo uppat a gasut iti baybayadanda ti makatawen ken no nangatngato iti sueldoda ket nangatngato met iti kontribusyonda kas nakaimandato iti nasao a paglintegan ngem gapu ta adda ti bilin ni Presidente Rodrigo Duterte a mailaksid dagiti OFW iti dayta ket aramidenda pay laeng a boluntaryo para iti agdama.
Malaksid iti dayta, nayyatiddug agingga inton May 31 ti panagbayadan dagiti direct contributor gapu iti COVID19 pandemic ken innayon pay ti opisial a no saan a gapu ti kasasaad tatta ti pagilian ket adda koma pay yuswatda nga “out patient benefit package” wenno libre a check up.
