Nairekord ti San Lazaro Hospital idiay Manila ti tallo a natay gapu ti leptospirosis manipod August 10 pakairamanan ti maysa a natay idi August 22.
Iti agdama ket adda innem a pulo a pasyente ti leptospirosis iti nasao nga ospital a ti duapulo ket dua ket baro nga admission idinto a ti sangapulo ket siam ket nakaru iti sitwasyonda.
Segun ken ni San Lazaro Hospital Medical Chief Dr. David Suplico, posible nga umatake ti severe leptospirosis iti napapateg a paset iti bagi kas iti kidneys, dalem ken respiratory system.
Nu maapektaran ti dalem ket posible nga ag-yellow ti pasiente idinto a ti panagtake ti respiratory system ket mabalin nga agresulta iti nakaru a rigat iti panaganges ken agkasapulan ti intubation.
Kinuna ni Suplico a posible nga umabot iti 50% ti mortality rate no maaddaan ti multi-organ dysfunction.
