--Ads--
Naka-code white alert ti amin nga ospital a kukua ken imatmatonan ti siudad ti Manila kas panagsagana iti posible a panagadu dagiti emergency gapu iti agtultuloy a napigsa a tudo.
Impakaammo ni Manila OIC-City Health Officer Dr. Grace Padilla ken ni Mayor Francisco “Isko” Domagoso ti panangipatungpal ti Code White Alert iti amin a city-run hospitals.
Iti salinong ti Code White Alert, 24 hours a naka-standby dagiti medical personnel, emergency response teams ken operations center tapno dagus nga agresponde iti aniaman nga insidente a mabalin nga itunda ti saan a nasayaat a paniempo.
Naingato ti Code white alert bayat nga agtaltalinaed iti salinong ti Red Rainfall Warning ti PAGASA ti Metro Manila gapu iti nakaru a panagtudo.
-- ADVERTISEMENT --
