Pormalen a napilaan ti dua a bilang ti kaso a murder dagiti tallo a suspek iti panangpatay ken ni Police Senior Master Sergeant Diane Marie Mollenido ken ti anakna nga agtawen ti walo a ni John Ysmael, segun ti Quezon City Police District (QCPD).
Pinasingkedan ti QCPD a nakakita ti piskal ti prima facie evidence wenno naan-anay nga ebidensia kontra kadagiti suspek a nabigbig a car agent a ni “Pia Katrina,” ti asawana a ni “Christian”, ken maysa a kasabwat da a ni “Gil”.
Kalpasan ti nainget nga imbestigasion, nairekomendar ti dua a bilang ti murder kontra kadagiti suspek ket awan ti nairekomendar a piyansa-na.
Kabayatanna, inlawlawag ti QCPD a ti maysa a nainaganan a suspek a ni “Maribel”, kabsat ni Christian, ket naikkat iti kaso ken naibilang laeng kas saksi.
