3 a Most Wanted Person ti nakemmeg iti agsisina nga operasion nga insayangkat dagiti pannakabagi ti linteg iti Ilocos Sur.
Idiay Suyo, naiserbi ti warrant of arrest kontra ti maysa a mannalon nga agtawen iti innem a pulo ket innem, Top 2 Most Wanted person iti municipal level gapu iti kasona nga Statutory Rape.
Nakemmeg met ti Sugpon Police ti maysa a Top 1 Most Wanted Person iti municipal level, agtawen iti tallopulo ket uppat.
Sumangsango daytoy iti kaso a Qualified Rape by Sexual Assault ket nailatangan iti piansa a P120,000.
Kabayatanna, iti met ili ti Cervantes, nakemmeg ti agtawen-iti-uppat a pulo ket tallo a suspek, Top 2 Most Wanted Person iti municipal level gapu iti panaglabsingna iti 2 a bilang ti panaglabsing iti Section 10 (A) ti Republic Act 7610 wenno Child Abuse Act.
