Nakaawiden iti pagilian iti duapulo ket uppat a Pilipino nga illegal a agtrabaho idiay Russia kalpasan iti siam a bulan a pannakaibaludda.
Nagbiaheda manipod Krasnoyarsk a nagturong idiay Bangkok, Thailand a naglugananda iti connecting flight nga agawid iti pagilian.
Immunan a simmangpet iti innem a Pilipino iti alas onse kuarentra idi rabii idinto nga itay alas kuatro met iti parbangon dagiti sangapulo ket walo.
Segun ti Department of Migrant Workers (DMW), awan iti mayannatupda a dokumento idi nagtrabahoda kas cleaners wenno paradalus idiay Russia.
Mangisayangkat pay ti imbestigasyon iti ahensya katinnulong ti Department of Justice tapno maammoan no biktimada iti human trafficking ken no siasino dagiti illegal recruiters-da.
Siguradoen ni DMW Secretary Hans Leo Cacdac a no adda kasapulan a maileppas nga illegal recruitment wenno human trafficking activity ket insigida a maipaay kadakuada babaen ti pannakikammayet ken ni Secretary Fredderick Vida iti Department of Justice ken iti law enforcement.
