Nakatutok ti Provincial Disaster Risk Reduction and Management Office (PDRRMO) iti panangbantay ti seguridad para iti naannayas a pannakaisayangkat ti National Schools Press Conference ken National Festival of Talents a maisayangkat ditoy Ilocos Sur.
Iti pannaki-uman ti Bombo Radyo Vigan ken ni PDRRM Officer Rhon Arquelada, siguradoenda a 24/7 iti panangbantayda kadagiti tallopulo ket dua a Billeting Schools kadagiti innem nga ili iti probinsia.
Segun ken ni Arquelada, dagiti billeting areas ket pakairamanan iti ili ti San Ildefonso, San Vicente, Sta. Catalina, Bantay, Santa ken Caoayan.
Katinnulong ti PDRRMO dagiti kameng ti Philippine National Police (PNP), Bureau of Fire Protection (BFP), Philippine Coast Guard (PCG), City ken Municipal DRRM, Provincial Health Office (PHO), Rural Health Units (RHU) ken Barangay Health Workers (BHW).
VIDEO – RHON ARQUELADA
Manipod pay May 15 a nangrugi iti panangsangpet dagiti delegates ket manamnama nga inton bigat, May 19 iti maisayangkat a cultural parade a pakidar-ayan iti rinibo a tattao.
Kabayatanna, umabot iti sangapulo ket dua wenno sangapuo ket tallo iti playing venues nga arigna maisayangkat amin iti siudad ti Vigan.
VIDEO – RHON ARQUELADA
