--Ads--
Saan a nababbaba ngem iti 21 nga estado idiay Amerika ti nagdeklarar iti state of emergency gapu iti ibilangda a kakarwan a snowstorm a mapaspasaran ti nasao a pagilian.
Iti pannaki-uman ti Bombo Radyo Vigan ken ni Bombo International News Correspondent Rene Ballenas, dagitoy nga estado ket dagiti adda iti East Coast isu a manarimaanen ti panagsagana ti Federal Management Agency.
Nabilin met dagiti agindeg a saanda a rummuar kadagiti pagtaenganda, agurnongda iti danum ken isaganada dagiti kangrunaan a kasapulan kas ti flashlight ken kandila gapu ta posible nga agawan ti koriente.
Umabot met iti 245 million a tattao ti mapatta-patta a maapektaran manipud kadagiti 40 nga estado iti nasao a pagilian a makapadas iti nasao nga snowstorm.
-- ADVERTISEMENT --
