Opisyalen nga impasa ti Department of Budget and Management iti Office of the President ti P6.7 trillion a 2026 National Expenditure Program (NEP).
Ti ceremonial turnover ti proposed budget ket inmatangan mismo ni President Ferdinand Marcos Jr.
Segun ti Malakanyang, ti tunggal probisyon a nailinya iti 2026 NEP ket mayataday ti Philippine Development Plan 2023-2028.
Dagiti naipangruna a budget ket ti edukasyon, salun-at, nayatiddog a social protection programs, food security, ken dadduma pay a napapateg a probisyon a mangidurduron ti karbengan iti tunggal Pilipino.
Kabayatanna, immatangan ni Pres. Marcos ti ceremonial presentation ti napirmaan a Government Optimization Act wenno Republic Act 12231.
Gagem ti linteg a pagbalinen nga efficient ken mas responsive iti panangted ti serbisyo iti gobierno ken kadagiti Pilipino.
