--Ads--
Idauluan iti 20,000 a mangmangged iti agduduma a labor group ti kilos protesta inton May 1, Labor Day.
Dayta iti pinasingkedan ni Kamanggagawa party-list Rep. Eli San Fernando a karaman iti nangbukel ti Laban Manggagawa Coalition tapno ilaban ti karbenganda a maaddaan iti maikalintegan a sueldo.
Malaksid iti grupo ni San Fernando ket kadua ti koalisyon ti National Federation of Labor Unions (NAFLU), National Federation of Labor (NFL) ken dadduma pay a labor organizations iti pagilian a nagkaykaysa para iti maymaysa a gagemda nga ilaban ti karbengan dagiti mangmangged iti pagilian.
Saan pay a karaman ti bilang dagiti miembro ti dadduma pay a labor groups kas ti Trade Union Congress of the Philippines (TUCP).
-- ADVERTISEMENT --
