Nakemmeg dagiti dua a lalaki iti anti-illegal drug buy-bust operation dagiti pannakabagi ti linteg idiay Barangay Surngit, San Juan, Ilocos Sur.
Segun ti San Juan Municipal Police Station, babaen ti panagtitinnulong dagiti pannakabagi ti linteg ket nakemmeg dagiti dua a nagilako iti maysa a medium heat-sealed transparent plastic sachet a naglaon iti mapapati a shabu babaen ti nagpammarang a poseur-buyer.
Naala manipod kadagiti suspek ti maysa a medium heat-sealed transparent plastic sachet ken tallo nga small heat-selaed transparent plastic sachets a naglaon iti mapapati a shabu nga agdagsen iti nasurok-kumurang 1.623 a gramo nga aggatad ti P11,036.
Karaman pay a naala nga ebidensya ti marked buy-bust money, cellular phone, card holder, lighter ken motorsiklo.
