Innagananen ti House prosecutor panel ti umuna a batch dagiti private lawyer a tumulong tapno i-trial ni Vice President Sara Duterte.
Segun ken ni lead public prosecutor ken Batangas Rep. Gerville Luistro, makadua ti House prosecutors dagiti nasao nga abogado tapno saganaan iti amin a klase ti trial kas iti panangpresentar dagiti ebidensya, testigo, panagaramid iti pleadings ken dadduma pay.
Dagita ket manipod iti tallo a nalatak a law firm a pakairamanan iti Pacabar Law a da Atty. Marforth Pua, Atty. James Bryan Ibrahim Alih, Atty. Erwin Matib, ken Atty. Justine Anne Lamarca.
Iti Kapunan ken Castillo Law a da Atty. Lorna Kapunan, Atty. Sonya Margarita Benemerito-Castillo, Atty. Deanna Melissa Lorenzo-Singian, Atty. Lino Chris Kapunan, ken Atty. Bettina Zamora.
Ken iti Saligal Law a ni Atty. Amando Virgil Ligutan.
