Umabot iti sangapulo ket innem nga estudyante iti kolehiyo ti inatake ti heat stroke bayat nga agisaysayangkat ti NSTP Orientation iti uneg ti Cagayan State University Carig Campus gapu ti kinabara ti panawen.
Ti emergency ket napasamak bayat ti NSTP orientation a dinar-ayan ti nasurok-kumurang 1, 500 nga estudyante.
Dagus a nagresponde ti Task Force Lingkod wenno TFLC Tuguegarao EMS team kalpasan a tinawagan ti maysa nga Army Reservist nga adda iti venue.
Idi makasangpet da iti lugar, dagus a rinugyan ti crew ti triaging tapno maammuan no sino dagiti kasapulan nga iyuna nga ipan iti balay pagagasan ken transportasion.
Dagus a naisayangkat ti assessment ken monitoring ti vital signs, ket umabot iti sangapulo ket innem nga estudyante ti kinasapulan a maitaray iti ospital gapu iti agduduma a sintomas ti heat ken stress.
