Mangideploy ti National Capital Region Police Office (NCRPO) ti nasurok 15, 000 a pulis tapno siguradoen ti seguridad ken mapagtalinaed ti kappia kadagiti anti-corruption rally a nakatuding inton Setyembre 21.
Segun ken ni NCRPO officer-in-charge Brig. Gen. Christopher Abrahano, respetoen ti pulisia ti karbengan dagiti ag-protesta nga iyir-ruar ti karirikna-da.
Awan pay ti maipagarup a naawat a permit ti NCPRO manipud kadagiti organizer, ngem pinainget da ti koordinasion iti intelligence units ken dagiti lider ti grupo tapno maliklikan ti posible a panagserrek dagiti manggulo kadagiti protesta.
Pinasingkedan pay ti opisial nga awan pay ti namonitor da a pangta iti seguridad ngem in-ngato da iti alert level ti NCRPO ken awan ti mapalubosan nga ag-leave kadagiti pulis a maideploy.
