--Ads--
Nangisayangkat manen ti airstrike ti US kadagiti tallo a bangka a mapapati a nagkarga iti illegal a droga iti eastern Pacific ken idiay Caribbean.
Segun ti US Southern Command, ti nasao nga operasyon ket nakatayan iti sangapulo ket maysa a tattao a naglugan kadagiti nasao a barko.
Awan met ti miembro iti US military iti nadangran.
Uppat iti natay iti immuna a bangka, uppat iti maikadua ken tallo iti maikatlo a bangka.
-- ADVERTISEMENT --
Manipod pay idi September idi napalabas a tawen a narugian iti airstrike isu nga umaboten iti 135 a tattao iti natay.
Impaganetget ni US Pres. Donald Trump a dagiti bangka a patpatarayen dagiti cartel ket isu iti mangipatpatulod kadagiti illegal a droga idiay Amerika.
