--Ads--
Nagpaliiw dagiti 108 nga international observer manipud iti sangapulo ket siam nga organisasion ken delegasion iti kaunaan a parliamentary elections iti Bangsamoro Autonomous Region in Muslim Mindanao ita nga aldaw.
Karaman kadagiti observer dagiti mangibagi manipud Japan, Australia, United Kingdom, China, Palestine, European diplomatic community ken international election-monitoring groups.
Nag-monitor dagitoy iti eleksion iti Cotabato City, Maguindanao, Marawi City, Basilan, Tawi-Tawi ken dadduma pay a pasilidad a pakaangayan ti panagbotosan.
Impaganetget ni Peace Adviser Mel Sarmiento ti kinapateg dagiti international observer para iti nasao a parliamentary elections.
-- ADVERTISEMENT --
