--Ads--
Manamnama nga umabot iti 1.35 million a pasahero ti agturong iti Ninoy Aquino International Airport (NAIA) iti Semana Santa kas kinuna ni New NAIA Infra Corp.
Segun ti NNIC, posible nga umabot iti 1,353,265 iti dumalan iti NAIA manipod March 28 agingga Abril 5, a nangat-ngato ngem iti 1,326,730 idi 2025.
Manamnama nga adu iti tao inton Abril 5 wenno Easter Sunday a posible nga umabot iti 158,884 a pasahero ken Terminal 3 ti posible nga ayan iti adu a pasahero.
Nangnayon ti NNIC kadagiti kameng, paatiddogenda iti oras ti serbisyo ken naing-inget iti koordinasyon kadagiti ahensya ken airline.
-- ADVERTISEMENT --
Nabalakadan dagiti biahero a sumangpet a nasapa, i-check ti flight updates ken kompletoen ti e-Travel registration tapno maliklikan iti aniaman a delay.
